喵奴今晚突然好想講下同喵星人既相遇呀😁
(內文並無洋蔥，適合一家大細以及喵喵收看)
[喵星人湯唯]
話說喵奴剛新婚幾個月，二人世界好不快樂
突然有一天，喵奴見到朋友話有人要移民，要送走晒d貓，另附圖數張。
呢度略略講下係朋友口中所得知既資料先:
靚女（湯唯既舊名），4歲，已絕育，原本係元朗一家大細共9隻喵星人一齊住，因為主人要移民，所以要放棄佢地😢
當我一望見湯唯張相既時候，喵奴雙眼發光。「一見鍾情」絕對可以形容我當時對湯唯既迷戀，於是即刻就同老公(下稱喵爸)商量。其實都唔可以叫做「商量」，基本上係強迫喵爸應承我的哈哈😂當時喵爸話：要養貓出去買咪得囉，點解要養隻4歲既貓....云云。最後喵爸同意領養湯唯，不過佢講明佢唔會照顧湯唯........喎😂😂😂
就係咁，喵奴馬上去購買喵星人既必需品：貓砂盤，貓砂，貓糧，貓袋，貓抓板，糧兜，指甲鉗.....(好似一開始淨係買左呢d)，之後搵黎有養貓經驗既朋友一齊去迎接湯唯了......
估唔到，接到湯唯返屋企，即刻就出現第一場災難..........
Search